"Осал қарсылас жоқ": Мырзағали Айтжанов қазақстандық боксшылардың жеребесі туралы айтты
Опубликовано:
25 шілдеде қазақстандық боксшылардың Париж Олимпиадасындағы қарсыластары анықталған еді. Бокстан Қазақстан құрамасының бас бапкері Мырзағали Айтжанов жеребе туралы пікірін айтты, деп хабарлайды Ұлттық Олимпиадалық комитеттің ресми сайтына сілтеме жасаған KAZ.NUR.KZ.
"Бұл – Олимпиада ойындары. Әрбір қарсылас іріктеліп, үлкен дайындықпен келген. Осал қарсылас жоқ. Сол себепті, әрбір жекпе-жек біз үшін финалға пара-пар. Біз екінші, үшінші кездесу қиын болады деп қарастырмаймыз. Біз бірінші жекпе-жектен бастап тас түйін дайын шығамыз", - деді бас бапкер.
Еске салайық, Париж төрінде жұдырықтасатын боксшылардың жеребесі тартылғанын жазған едік. Жеребе қорытындысы төмендегідей:
- 51 кг: Сәкен Бибосынов – Самет Кумуш (Түркия);
- 57 кг: Махмұд Сабырхан – Хосе Кильес (Испания);
- 63,5 кг: Мұхамедсабыр Базарбайұлы – Ойер Ибаррече Конде (Испания);
- 71 кг: Асланбек Шымбергенов – Зияд Ишиаш (Иордания);
- 80 кг: Нұрбек Оралбай – Каллум Петерс (Австралия);
- 92 кг: Айбек Оралбай - Олайтан Адам Олаор (Нигерия);
- +92 кг: Қамшыбек Қоңқабаев - Гадфа Дрисси (Испания).
Қазақстандық боксшылар арасынан алғаш болып шаршы алаңға Мұхамедсабыр Базарбайұлы шығады. Оның алғашқы жекпе-жегі 27 шілдеге жоспарланған.
- Франция билігі Олимпиада алдында Париждегі 5 мың үйсіз адамды қаладан қуды
- Париж Олимпиадасы: Қазақстан құрамасы сапындағы ең егде жастағы спортшы кім
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2140161-osal-qarsylas-zhoq-myrzagali-aitzhanov-qazaqstandyq-boksshylardyng-zherebesi-turaly-aitty/