Париж Олимпиадасы аясында бокс бәсекесінен 63,5 кг салмақ дәрежесінде қазақстандық боксшы Мұхаммедсабыр Базарбайұлы екінші кездесуін өткізді. Бұл туралы KAZ.NUR.KZ тілшісі хабарлайды.
Франция астанасы Парижде өтіп жатқан жазғы Олимпиада ойындары аясында бокс бәсекесінен 63,5 кг салмақ дәрежесінде өнер көрсететін қазақстандық Мұхаммедсабыр Базарбайұлы 1/8 финалда тайбэйлік спортшы Чу Ен Лаймен қолғап түйістірді. Нәтижесінде Мұхаммедсабыр 3:2 есебімен жеңіске жетті. Енді оның ширек финалдағы қарсыласы 27 жастағы грузиялық Лаша Гурули. Аталмыш жекпе-жек 2 тамызға жоспарланған.
Еске салайық, Мұхаммедсабыр Базарбайұлы алғашқы айналымда испаниялық Ойер Ибареччеге қарсы кездесу өткізді. Бұл кездесудің қорытындысы бойынша қазақстандық боксшы төрешілердің бірыңғай шешімімен жеңіске жеткен еді.
Ел қоржынында Париж Олимпиадасының 3 жүлдесі бар. Қазақстандық спортшылар 1 алтын және 2 қола медаль жеңіп алды. Дзюдодан Елдос Сметов Олимпиада чемпионы атанса, ату спортынан жалпы командалық сайыста Ислам Сәтпаев пен Александра Ле қолаға қол жеткізді. Тағы бір қоланы дзюдошы Ғұсман Қырғызбаев иеленді.
- Қазақстандық теннисші Париж Олимпиадасының 1/8 финалына жолдама алды
- Қарағанды тумасы Париж Олимпиадасының чемпионы атанды
Мақаланың түпнұсқасы: https://kaz.nur.kz/sport/boxing/2141565-21-zhastagy-qazaq-boksshysy-qarsylasyn-aiqyn-basymdyqpen-zhengip-shirek-finalga-shyqty/
