Аса ауыр салмақта жұдырықтасатаны қазақстандық боксшы Иван Дычко (13-0, 12 КО) ұзақ үзілістен кейін кәсіпқой рингке қайта оралмақ. Бұл туралы KAZ.NUR.KZ Boxrec.com сайтына сілтеме жасап хабарлайды.
Дереккөздің мәліметінше, кәсіпқой бокста осы уақытқа дейін жеңіліп көрмеген қазақстандық боксшы Иван Дычко келесі жекпе-жегін 21 тамызда Плант-Сити қаласында (Флорида штаты, АҚШ) ProBox шоуы аясында өткізеді. Қазақстандық боксшының қарсыласы америкалық Крейг Льюис (15-7-1, 8 КО) болмақ. Кездесу сегіз раундқа жоспарланған.
Иван Дычко бұған дейін 2023 жылдың маусым айында жекпе-жек өткізген. Иван Дычко аргентиналық боксшы Ариэль Эстебан Бракамонтені (13-11-7 КО) нокаутқа түсіріп, аса ауыр салмақтағы WBA Fedecaribe атағын жеңіп алған болатын. Сонымен қатар Иван Дычко АҚШ-та 2019 жылдың шілдесінен бері кездесу өткізбеген.
Айта кетейік, кеше, 7 тамызда қазақстандық боксшы Нұрбек Оралбай 80 кг салмақ дәрежесінде Париж Олимпиадасының күміс жүлдегері атанды.
Мақаланың түпнұсқасы: https://kaz.nur.kz/sport/boxing/2146222-ivan-dychko-ringke-qaita-oralady-qarsylasy-men-zhekpe-zhegining-uaqyty-belgili/
