Қазақстандық боксшы АҚШ-тағы кездесуінде қарсыласын ауыр нокаутқа түсірді (видео)

Бүгін, 26 қазанда қазақстандық кәсіпқой боксшы Бек Нұрмағанбет (13-0, 11 КО) АҚШ-та өткен жекпе-жегінде жеңіске жетті. Бұл туралы KAZ.NUR.KZ хабарлайды.

Бек Нұрмағанбет АҚШ-тың Сан-Хасинто қаласында (Калифорния штаты) өткен бокс кешінде сынға түсті. Оның қарсыласы мексикалық Хоакин Мурриета Лусио (13-4-3, 11 КО) болды.

Кездесу сегіз раундқа жоспарланған еді, бірақ екінші раундта Бек Нұрмағанбет қарсыласын нокаутқа түсіріп, жекпе-жекті мерзімінен бұрын аяқтады.

Айта кетейік, бұған дейін 15 қыркүйекте қазақстандық боксшы Бек Нұрмағанбет Лас-Вегаста (АҚШ) өткен бокс кешінде америкалық Джошуа Конлиге (17-7-1, 11 КО) қарсы кездесу өткізіп, қарсыласын екінші раундта нокаутқа жіберіп, жеңіске жеткен еді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз