Екінші орта салмақтағы қазақстандық кәсіпқой боксшы Әли Ахмедовтың (22-1, 16 КО) келесі жекпе-жегін қашан өткізетіні белгілі болды. Бұл туралы KAZ.NUR.KZ тілшісі хабарлайды.
BoxRec.com сайтының мәліметінше, Әли Ахмедов келесі кездесуін 2025 жылдың 25 қаңтарында АҚШ-тың Калифорния штатындағы Коммерс қаласында өткізеді. Әзірге оның қарсыласы туралы ақпарат жарияланған жоқ.
Еске салайық, Әли Ахмедов соңғы жекпе-жегін 20 қыркүйекте Ирландияның Дублин қаласында өткізіп, франциялық боксшы Пьер Юбер Дибомбені (22-2-1, 12 КО) төрешілердің шешімімен жеңген болатын. Осылайша ол Геннадий Головкинге тиесілі GGG Promotions промоутерлік компаниясының өкілі қатарынан алтыншы рет жеңіске жетті.
Сондай-ақ Әли Ахмедов биыл 3 жекпе-жек өткізіп, бәрінде жеңіске жеткен.
Мақаланың түпнұсқасы: https://kaz.nur.kz/sport/boxing/2185634-golovkinning-komandasyndagy-qazaq-boksshysy-sharshy-alangga-qashan-oralady/
