Қазақстан құрамасының боксшысы Айбек Оралбай Таиландтағы Азия чемпионатының жартылай финалында бақ сынады. Бұл туралы KAZ.NUR.KZ хабарлайды.
+92 кг салмақ дәрежесінде сынға түскен Айбек Оралбай жартылай финалда өзбекстандық Жахонгир Закировпен кездесу өткізді. Нәтижесінде Айбек Оралбай өзбек боксшысын төрешілердің бірыңғай шешімімен жеңді.
Айбек Оралбай 2022 жылы Амманда өткен Азия чемпионатында 92 кг дейінгі салмақ дәрежесінде алтын медаль жеңіп алған болатын.
Сондай-ақ Қазақстан ерлер құрамасынан 8 боксшы Азия чемпионатының финалына жолдама алды. Олар: Санжар Тәшкенбай, Махмұд Сабырхан, Оразбек Асылқұлов, Дулат Бекбауов, Абылайхан Жүсіпов, Диас Молжігітов, Сағындық Тоғамбай, Бекзат Нұрдәулетов алтын жүлдеге таласады.
Айта кетейік, Таиландтың Чиангмай қаалсында өтіп жатқан бокстан Азия чемпионатының финалдық бәсекелері 11 желтоқсанда өтеді деп жоспарланған.
Мақаланың түпнұсқасы: https://kaz.nur.kz/sport/boxing/2197659-aibek-oralbai-ozbek-boksshysyn-zhengip-aziia-chempionatynyng-finalyna-shyqty/
