Қазақстандық боксшы Дулат Бекбауов Таиландтағы Азия чемпионатының финалына шықты. Бұл туралы KAZ.NUR.KZ тілшісі хабарлайды.
67 кг салмақ дәрежесінде сынға түсетін Дулат Бекбауов жартылай финалда Тәжікстан спортшысы Шукрат Саломатовпен кездесті. Бұл жекпе-жекте қазақ боксшысы төрешілердің бірыңғай шешімімен жеңіске жетті (5:0).
Айта кетейік, Дулат Бекбауов Азия чемпионатының 1/8 финалында тайбэйлік Джиа-Джун Чиуан Вангтан басым түскен еді. Кейін ширек финалда малайзиялық Арифф Айман Мухаммадты мерзімінен бұрын жеңді.
Бұған дейін Қазақстан ерлер құрамасынан 3 боксшы Азия біріншілігінің финалына жолдама алды. Атап айтқанда, Санжар Тәшкенбай, Махмұд Сабырхан, Оразбек Асылқұлов алтын жүлдеге таласады.
Мақаланың түпнұсқасы: https://kaz.nur.kz/sport/boxing/2197695-bokstan-aziia-chempionaty-dulat-bekbauov-zhartylai-finalda-tazhik-boksshysyn-zhengdi/
