Садриддин Ахмедов қарсыласын техникалық нокаутпен жеңді

Кәсіпқой бокста орта салмақта өнер көрсететін қазақстандық Садриддин Ахмедов (15-0, 12 KO) кезекті жекпе-жегін нокаутпен аяқтады. Бұл туралы KAZ.NUR.KZ хабарлайды.

Ол АҚШ-тың Санта-Инез қаласында өткен Hollywood Fight Nights бокс кешінде америкалық боксшы Рафаэль Игбоквемен (17-6, 7 КО) жұдырықтасты. Турнирді Геннадий Головкиннің промоутері Том Леффлер ұйымдастырған болатын.

Жекпе-жек 10 раундқа жоспарланған. Бірақ 7-раундта қазақ бокшысының мерзімінен бұрын жеңісімен аяқталды.  

Еске салайық, Садриддин Ахмедов ұзақ үзілістен кейін кәсіпқой боксқа оралып, мансабын АҚШ-та жалғастырды. Бұл – оның Америкадағы екінші жекпе-жегі. Бұған дейін қазақ боксшысы Канадада өнер көрсеткен. Ахмедовті жекпе-жекке Генадий Головкиннің бұрынғы бапкері Абель Санчес дайындады.

32-жастағы Игбокве 2021 жылы украиналық Сергей Богачуктен жеңілген. Одан кейін өзбек боксшысы Исраил Мадримовтан ұтылған.