Ересектер арасындағы ел біріншілігіне алғаш рет қатысқан Төрехан Сабырхан чемпион атанды
Опубликовано:
Төрехан Сабырхан финалдағы қарсыласының жарақат алып қалуына байланысты бокстан Қазақстан чемпионы атанды. Бұл туралы KAZ.NUR.KZ Қазақстан бокс федерациясының баспасөз қызметіне сілтеме жасап хабарлайды.
67 кг дейінгі салмақ дәрежесінде сынға түскен Төрехан Сабырхан финалда Маңғыстау облысының спортшысы Санатәлі Төлтаевпен кездесуі керек болған. Бірақ қарсыласының жарақат алып қалуына байланысты Түркістан облысының боксшысы Төрехан Сабырхан Қазақстан чемпионы атанды.
Бұл чемпионат – Төрехан Сабырханның ересектер арасындағы алғашқы бәсекесі.
Айта кетейік, Төрехан Сабырхан биыл Будвада (Черногория) өткен жастар арасындағы әлем біріншілігінің финалында кубалық Давид Эспиноcа Сантояны жеңіп, 67 кг салмақ дәрежесінде алтын медаль иеленген еді. Сондай-ақ ол турнирдің үздік боксшысы атанды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2204103-torehan-sabyrhan-eresekter-arasyndagy-algashqy-zharysynda-top-zharyp-el-chempiony-atanyd/