"Мақсатым - әлемнің абсолютті чемпионы атану": қазақстандық боксшы қыз кәсіпқой боксқа ауысты

Қыздар боксынан Азия чемпионы және әлем чемпионатының қола жүлдегері Милана Сафронова мансабын кәсіпқой бокста жалғастырмақ. Бұл туралы ол өзінің Instagram-дағы парақшасында жазды.

"Мен қашан да өз елімнің туын жоғары көтеруді армандадым және елімнің атын шығаруға кәсіпқой рингте де ұмтылам. Менің жаңа бағытым және жаңа мақсатым - Қазақстаннан шыққан алғашқы абсолютті әлем чемпионы атану", - деп жазған ол ресми түрде кәсіпқой боксқа ауысқанын мәлім етті.

"Мықты командаммен бірге чемпион болуға және еліме барлық титулды әкелуге дайынмын", - деді Сафронова.

Мәтіннен қате тапсаңыз, бізге жазыңыз