Ресейлік Дмитрий Бивол Эр-Риядта өткен титулдық жекпе-жекте ресейлік-канадалық боксшы Артур Бетербиевті жеңді, деп хабарлайды KAZ.NUR.KZ.
Боксшылар арасындағы кездесу Сауд Арабиясының астанасында өткен турнирдің басты жекпе-жегі болды.
Жекпе-жекте жартылай ауыр салмақтағы абсолютті әлем чемпионы атағы (79,4 кг-ға дейін) сарапқа салынды. Бұл атаққа Бетербиев 2024 жылғы қазан айындағы бірінші кездесуде Биволды төрешілер шешіммен жеңіп, қол жеткізген еді.
Реванш 12 раундқа созылып, өте тартысты өтті. Жекпе-жектің соңында Бивол сол жақ қабағынан жарақат алып қалды. Нәтижесінде ресейлік боксшы төрешілердің шешімімен жеңіске жетті (114:114, 116:112, 115:113). Төрешілердің басым бөлігі оны жеңіске лайық деп тапқан.
Осылайша, 34 жастағы Бивол жартылай ауыр салмақтағы әлемнің жаңа абсолютті чемпионы атанып, кәсіпқой мансабындағы 24-жеңісін (12-ін нокаутпен жеңген) тойлауда.
Ал Бетербиев кәсіпқой рингте алғаш рет жеңіліс тапты. 40 жастағы боксшы бұған дейін 21 кездесу өткізіп (20-ы нокаутпен жеңген) бәрінде жеңіске жеткен болатын.
Мақаланың түпнұсқасы: https://kaz.nur.kz/sport/boxing/2222996-bivol-beterbievti-revanshta-zhengip-zhanga-absoliutti-alem-chempiony-atandy-video/
