Бүкіләлемдік бокс кеңесі (WBC) қазақстандық Мейірім Нұрсұлтанов өнер көрсететін орта салмақ рейтингін жаңартты, деп хабарлайды KAZ.NUR.KZ.
Бұл дивизионда WBC чемпиондық белбеуіне әлі де доминикандық Карлос Адамес иелік етеді.
Рейтингте бұған дейін үшінші орында тұрған Мейірім Нұрсұлтанов көш басына шықты.
Еске сала кетейік, Бүкіләлемдік бокс кеңесі бұған дейін Адаместі Нұрсұлтановпен жекпе-жекте чемпиондық атағын қорғауға міндеттеген. Дегенмен жекпе-жек өтетін күн белгісіз.
Қазақстандық боксшы соңғы рет шаршы алаңға 2023 жылы Ташкентте шыққан. Сол кезде ол төрешілердің ортақ шешімімен чилилік Хулио Аламостан басым түскен.
Мақаланың түпнұсқасы: https://kaz.nur.kz/sport/boxing/2227011-qazaqstandyq-boksshy-meiirim-nursultanov-wbc-reitinginde-kosh-bastady/
Пікірлер жүктелуде