Елдос Сметов өз атынан дзюдодан ел чемпионатының жүлдегерлеріне сыйақы тағайындамақ

Токио Олимпиадасының қола жүлдегері Елдос Сметов жас спортшыларды қолдау мақсатында ел чемпионатында оза шапқан дзюдошыларға өз атынан қаржылай сыйақы тағайындайтынын жеткізді деп жазады KAZ.NUR.KZ тілшісі.

Елдос Сметов Оралда өтетін дзюдодан Қазақстан біріншілігінде чемпион және жүлдегер атанған спортшыларды қуантатынын мәлім етті.

"Дзюдо - тек қана спорт емес, ол - өмір сүру стилі, тұнған философия. Әрбір әдіс-тәсілі арқылы бойымызға өмір бойы азық болатын құнды қасиеттерді сіңірдік.

Өздеріңіз білесіздер, жақында Орал қаласында ересектер арасында дзюдодан Қазақстан чемпионаты өтеді. Осыған орай, ел чемпионатында чемпион және жүлдегер атанған спортшыларға қаржылай сыйақы тағайындағанды жөн көрдім. Биылғы біріншілікте жастардың қатары көп болатыны анық", - дейді ол.

Сметовтың сөзінше, сыйақы тағайындаудағы мақсаты - жастарды қолдау және жігерлендіру.

"Ел дзюдосының болашағына кішкене болса да өз үлесімді қосқым келеді",- дейді дзюдан екі дүркін Олимпиада жүлдегері.

Елдос Сметов әзірге жүлде қорының қанша екені туралы хабарлаған жоқ.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз