Белбеу күресінен өткен әлем чемпионатында Қазақстан құрамасы алты алтын медаль жеңіп алды

Белбеу күресінен әлем чемпионатында Қазақстан құрамасы 23 медаль жеңіп алды. Оның алтауы "алтын", деп жазады KAZ.NUR.KZ тілшісі Қазақстанның Спорт комитетіне сілтеме жасап.

Комитет мәліметінше, Астанадағы Beeline arena кешенінде белбеу күресінен ерлер мен әйелдер арасында өткен әлем чемпионаты аяқталған.

Екі күнге созылған байрақты бәсекеде 30 елдің 250-ге жуық спортшысы қатысқан.

Жалпыкомандалық есепте Ресей құрамасы топ жарса, Қазақстан құрамасы алты алтын, төрт күміс және он үш қола жүлдемен екінші орынды қанағат тұтты.

Үздік үштікті Түрікменстан құрамасы қорытындылады.

Жарыс барысында ел намысын 42 спортшы қорғады (32 ұл, 10 қыз).

Мәтіннен қате тапсаңыз, бізге жазыңыз