Қазақстандық балуан еркін күрестен Азия чемпионы атанды

Иордания астанасы Амман қаласында өтіп жатқан еркін күрестен 20 жасқа дейінгі жастар арасындағы Азия чемпионатында төрт қазақстандық жүлдегерлер атанды. Бұл туралы ҚазАқпарат хабарлайды.

2 шілдеден бастап күрес түрлерінен 15 және 20 жасқа дейінгі жасөспірімдер мен жастар арасында Азия чемпионаты өтіп жатыр.

Жарыстың сегізінші күнінде еркін күрестен 20 жасқа дейінгі жастар 5 салмақ дәрежесінде сынға түсті. Қазақстандық балуандар ел қоржынына 4 жүлде салды.

Ел құрамасынан Камиль Куруглиев (97 келі) финалда өзбек Айназар Базарбаевпен кездесті. Сайыс барысында қарсыласын қапы қалдырып, Азия чемпионы атанды.

Ал Мерей Базарбаев (57 келі), Мұхаметәлі Қабидолданов (70 келі), Мағжан Жанырбай (79 келі) қола жүлдегер атанды.

Бүгін 20 шілдеде 20 жасқа дейінгі жастар арасындағы еркін күрестен 61, 74, 86, 92 және 125 келіде жүлделер сарапқа салынады.

Мәтіннен қате тапсаңыз, бізге жазыңыз