Ресейідң Екатеринбург қаласында өтіп жатқан халықаралық жарыстан ирандық спортшы қыз шеттетілді. Бұл туралы ТАСС агенттігіне сілтеме жасаған KAZ.NUR.KZ хабарлайды.
Ирандық дзюдошы қыз Сабзкар Марзие 78 келіден жоғары салмақта сынға түсуі тиіс еді. Алайда ол татамиге шығарда хиджабын шешуден бас тартқан.
"Ирандық спортшы хиджабын шешуден бас тартқаны үшін жарыстан аластатылды. Халықаралық дзюдо федерациясының ережесі бойынша, хиджабпен татамиге шығуға тыйым салынады. Хиджабпен күрескенде жарақат алу қаупі жоғары", - деп хабарлады турнирді ұйымдастырушылар.
Бір қызығы, Марзие аталған турнирде мүлде күреспесе де, қола жүлдегер атанды. Себебі аталған салмақта небары төрт спортшы бақ сынаған.
Дзюдо ережесі бойынша, қола жүлде екі споршыға беріледі.
Мақаланың түпнұсқасы: https://kaz.nur.kz/sport/fight/2033890-xidzabyn-sesuden-bas-tartqan-irandyq-dzyudosy-qyz-zarystan-settetildi/
