Соңғы секундтағы жеңіс: Азамат Дәулетбеков әлем чемпионатының қола жүлдегері атанды

Сербия астанасы Белградта өтіп жатқан күрестен әлем чемпионатында Қазақстан қоржынына алғашқы медаль әрі алғашқы лицензия түсті. 86 келідегі Азамат Дәулетбеков қола медаль жеңіп алды, деп хабарлайды KAZ.NUR.KZ.

Қола медаль үшін өткен күресте Азамат бахрейндік Магомед Шариповпен кездесті.

Белдесуді балуандар өте сақ өткізді. Екі балуан да ескерту есебінен бір ұпайдан иеленіп, кейін тағы бір ескерту бойынша Азамат алға шыққан.

Бірақ белдесудің аяқталуына 25 секунд қалғанда Шарипов қазақ балуанына әдіс жасап, алға шықты.

Алайда Азамат соңына дейін беріспей, ең соңғы секундта қарсыласын әдіске түсірді.

Осылайша, Азамат Дәулетбеков еркін күрестен әлем чемпионатында қатарынан екінші рет қола медаль иеленіп отыр.

Сондай-ақ тәжірибелі балуан Париж Олимпиадасына берілетін лицензияны қоржынға салды.

Мәтіннен қате тапсаңыз, бізге жазыңыз