Самбодан Әлем чемпионаты: Қазақстан құрамасы жарысты үздік үштікте аяқтады

Армения астанасы Ереванда өткен самбоден Әлем чемпионаты аяқталды. Қазақстан ұлттық құрамасы жалпы есепте 3-орын иеленді, деп хабарлайды KAZ.NUR.KZ спорт дамыту дирекциясының Instagram-дағы ресми парақшасына сілтеме жасап.

10-12 қараша Армения астанасы Ереванда самбодан Әлем чемпионаты өтті. Жарысқа 65 мемлекеттің спортшылары қатысты. Қазақстан ұлттық құрамасы жалпы есепте 3-орын иеленді. Қазақстандық спортшылар бір алтын, екі күміс және бес қола медаль жеңіп алды.

Жалпы есепте бірінші орынды Ресей құрамасы жеңіп алды. Ресейліктерде он үш алтын, екі күміс және үш қола медаль.

Қазақстан құрамасы сапында жүлдеге қол жеткізген спортшылар:

+80 келі. Арайлым Әбенова (алтын медаль);

80 келі. Еламан Қойшыбаев (күміс медаль);

50 келі. Маргарита Бажаева (күміс медаль);

71 келі. Арнұр Қуатай (қола медаль);

98 келі. Әлібек Зекенов (қола медаль);

54 келі. Гүлдана Әлмұханбетова (қола медаль);

72 келі. Шынар Абатова (қола медаль);

+98 келі. Талғат Жиентаев (қола медаль).

Айта кетейік, самбодан келесі Әлем чемпионаты 2024 жылы Астана қаласында өтеді.

Мәтіннен қате тапсаңыз, бізге жазыңыз