Қазақстандық белгілі спортшы күрестен халықаралық турнирде жеңіліп қалды

Әйелдер арасындағы күрестен Қазақстан ұлттық құрамасының спортшысы Эльмира Сыздықова Хорватияда өткен рейтингтік турнирде жеңіліс тапты. Бұл туралы KAZ.NUR.KZ Sports.kz сайтына сілтеме жасап хабарлайды.

Сыздықова 2024 жылы Біріккен күрес әлемінің (UWW) бірінші рейтингтік турнирі – Zagreb Open турнирінде өнер көрсеткен болатын. Алайда ол жеңіліске ұшырады.

Шерік финал кезінде 76 келіге дейінгі салмақ дәрежесінде Сыздықова америкалық Кеннеди Алексис Блэйдспен кездесіп, оған 0-10 есебімен есе жіберді.

Айта кетейік, Эльмира Сыздықова 2016 жылы Рио-де-Жанейрода (Бразилия) өткен Олимпиаданың қола жүлдегері.

Сондай-ақ қазақстандық спортшы күрестен екі рет (2021, 2023) Азия чемпионатында жеңіске жетіп, тағы бес рет құрлық біріншілігінің қола жүлдегері атанды.

Мәтіннен қате тапсаңыз, бізге жазыңыз