Дзюдодан Гран-при турнирінде Қазақстан намысын кім қорғайды

Қазақстандық дзюдошылар Португалияда өтетін осы жылдың алғашқы Гран-при турниріне қатысады. Бұл туралы KAZ.NUR.KZ Қазақстан дзюдо федерациясының Instagram-дағы ресми парақшасына сілтеме жасап хабарлайды.

2024 жылдың алғашқы Гран-при турнирі 26-28 ақпан аралығында Португалияның Одивелаш қаласында өтеді. Дүбірлі додада 92 елдің атынан 632 дзюдошы өнер көрсетеді. Оңтүстік Кореядан 28 спортшы қатысса, Португалия атынан 27 дзюдошы күш сынасады.

Жекпе-жектер келесі салмақ дәрежелері бойынша өтеді:

Ерлер: 60, 66, 73, 81, 90, 100, +100 келі.

Әйелдер: 48, 52, 57, 63, 70, 78, +78 келі.

Қазақстан ерлер құрамасында Ержан Еренғайыпов, Дәурен Суюкенов, Жанарыс Рахметқали, Нұрсұлтан Зайзағалиев, Жансай Смағұлов, Дархан Қойбағар, Айбол Нысанәлі, Мәди Амангелді, Айдар Арапов, Құдірет Досымов, Ислам Бозбаев, Әділет Сапарғалиев бар.

Ал әйелдер құрамасында Әбиба Әбужақынова, Ғалия Тынбаева, Бақыт Құссақбаева, Эсмигүл Куюлова, Аруна Жангельдина, Камила Берліқаш өнер көрсететін болады.

Посмотреть эту публикацию в Instagram

Публикация от Instagram

Айта кетейік, Гран-при турнирінің жеңімпаздары қаржылай сыйлықпен марапатталады. 1-орынға 3000 АҚШ доллары болса, екінші орынға жайғасқан дзюдошы 2000 АҚШ долларын алады, ал жүлделі 3-орынға 1000 АҚШ доллары беріледі.

Мәтіннен қате тапсаңыз, бізге жазыңыз