Еркін күрестен Қазақстан чемпионатының соңғы жарыс күнінде әлем чемпионы Ризабек Айтмұхан сынға түсіп, финалда жеңіліс тапты. Бұл туралы KAZ.NUR.KZ тілшісі хабарлайды.
97 келіге дейінгі салмақтың финалдық белдесуінде еркін күрестен әлем чемпионы Ризабек Айтмұхан мен Әлішер Ерғали белдескен болатын.
Тартысты кездесуде 14:10 есебімен Әлішер Ерғали жеңіске жетті. Осылайша Ризабек әлем чемпионатынан кейін қатысқан алғашқы ресми жарысында алтын медальға қол жеткізе алмады.
Айта кетелік, Ризабек Айтмұхан 92 келіге дейінгі салмақта 2023 жылғы әлем чемпионы. Ол аталған турнирден соң олимпиадалық салмақ – 97 келіге ауысқан еді.
Қазақстан чемпионы атанған балуандар Бішкекте өтетін лицензиялық турнирге қатысады.
Мақаланың түпнұсқасы: https://kaz.nur.kz/sport/fight/2059276-rizabek-aitmuxan-kuresten-qazaqstan-cempionatynyn-finalynda-zenilip-qaldy-video/
