Қазақстан құрамасы күрестен Азия чемпионатының медаль кестесінде бесінші орынға тұрақтады

Қырғызстан астанасы Бішкекте өткен күрес түрлерінен Азия чемпионаты аяқталды. Бұл туралы KAZ.NUR.KZ тілшісі хабарлайды.

Қазақстан құрамасы Азия чемпионатында 2 алтын, 4 күміс, 6 қола жүлде жеңіп алып, медаль кестесінде 12 жүлдемен бесінші орынға жайғасты.

Бірінші орында Жапония командасы (9 алтын, 5 күміс, 4 қола) тұрса, екінші сатыға Иран (9 алтын, 3 күміс, 5 қола) орналасты. Ал үздік үштікті 4 алтын, 3 күміс, 7 қола медаль иеленген Қырғызстан құрамасы түйіндеді.

Азия чемпионатында жүлде еншілеген қазақстандық балуандар:

Алтын жүлде:

• Азамат Дәулетбеков – еркін күрес, 86 кг;
• Ержет Жарылқасын – грек-рим күресі, 63 кг.

Күміс жүлде:

• Ризабек Айтмұхан – еркін күрес 97 кг;
• Асыл Айтақын – еркін күрес, 61 кг;
• Нұрсұлтан Тұрсынов – грек-рим күресі, 87 кг;
• Юсуф Мациев – грек-рим күресі, 97 кг.

Қола жүлде:

• Мейрамбек Қартбай – еркін күрес, 57 кг;
• Диана Каюмова – әйелдер күресі, 59 кг;
• Эльмира Сыздыкова – әйелдер күресі, 76 кг;
• Лаура Алмаганбетова – әйелдер күресі, 57 кг;
• Анастасия Панасович – әйелдер күресі, 72 кг;
• Ибрагим Магомадов – грек-рим күресі, 77 кг.

Айта кетейік, 19-21 сәуірде Бішкекте (Қырғызстан) күрестен Азия аймақтық іріктеу турнирі өтеді. Бұл жарыста Париж Олимпиадасының жолдамалары сарапқа салынады.

Мәтіннен қате тапсаңыз, бізге жазыңыз