Дзюдодан Қазақстан құрамасы Азия чемпионатының аралас командалық сайысы бойынша финалға шыға алмады. Бұл туралы KAZ.NUR.KZ тілшісі хабарлайды.
Азия чемпионатының соңғы күнінде аралас командалық сайыс өтіп жатыр. Қазақстандық балуандар жартылай финалда Жапония құрамасынан 4:0 есебімен жеңілді. Енді ұлттық құрамамыз қола жүлде үшін күресте Түрікменстан командасымен күш сынасады.
Айта кетейік, қазақстандық дзюдошылар ширек финалда Үндістан құрамасын 4:0 есебімен жеңген еді. Айдар Арапов шешуші белдесуде қарсыласының жауырынын жерге тигізіп, ұлттық құрамаға жеңіс алып келді.
Ал Жапония құрамасы ширек финалды Оңтүстік Кқрея командасын 4:2 есебімен жеңді.
Мақаланың түпнұсқасы: https://kaz.nur.kz/sport/fight/2089517-qazaqstandyq-baluandar-dzyudodan-aziya-cempionatynyn-qola-zuldesi-usin-talasady/
