Көшпенділер ойындары: Қазақстан құрамасы кураштан алтын жүлдеге ие болды

Астанада өтіп жатқан V Дүниежүзілік көшпенділер ойындарында кураштан Қазақстан құрамасының мүшелері өнер көрсетті. Бұл туралы KAZ.NUR.KZ хабарлайды.

Бүгін, 9 қыркүйекте елордада өтіп жатқан V Дүниежүзілік көшпенділер ойындарында кураштан Қазақстан құрамасы бір алтын еншіледі. Қазақстандық спортшы Альбина Бахиева жарыстың жеңімпазы атанды.

Кураштан бәсекелер екі күнге жоспарланған. Бұл сайыстар "Алау" мұз сарайында өтеді.

Астанада өтіп жатқан V Дүниежүзілік көшпенділер ойындарының кураш бәсекесінде 27 елден 106 спортшы бақ сынайды. Олардың ішінде ел намысын 8 қазақстандық спортшы қорғайды.

Айта кетейік, V Дүниежүзілік көшпенділер ойындары 8-14 қыркүйек аралығында Астанада болады. Оған 90-ға жуық елден 2000-нан аса спортшы қатысады.

Мәтіннен қате тапсаңыз, бізге жазыңыз