Астанада өтіп жатқан қазақ күресінен XIII республикалық "Қазақстан барысы" турнирінің 3-орын иегері анықталды. Бұл туралы KAZ.NUR.KZ хабарлайды.
Астанадағы "Барыс Арена" спорт кешенінде қазақ күресінен ХІІІ республикалық "Қазақстан барысы" турнирінің 3-орын үшін белдесуде Саят Шамшиев (Абай облысы) пен Әділ Оразбаев (Әскер барысы) шеберлік байқасты.
Кездесудің нәтижесінде Абай облысының балуаны Саят Шамшиев басым түсіп, "Қазақстан барысы – 2024" турнирінің 3-орын иегері атанды.
Финалдық кездесуде Ерсұлтан Мұзаппаров (Шымкент қаласы) пен Ерасыл Қажыбаев (Абай облысы) белдеседі.
Айта кетейік, турнирдің жалпы жүлде қоры 27 100 000 теңгені құрайды, оның ішінде 3 720 000 теңге спортшылардың жаттықтырушыларына беріледі. Жүлделер келесідей бөлінеді: 1-орын үшін – 15 000 000 теңге, 2-орын үшін – 3 300 000 теңге, 3-орын үшін – 1 080 000 теңге. Әр жеңіске жеткен белдесуі үшін балуан 100 000 теңге алады.
Мақаланың түпнұсқасы: https://kaz.nur.kz/sport/fight/2179034-saiat-shamshiev-qazaqstan-barysy-2024-turnirining-3-oryn-iegeri-atandy/
