Шымкентте 22-23 қараша күндері қазақ күресінен ересектер арасындағы III Халықаралық турнир өтеді. Бұл туралы KAZ.NUR.KZ қалалық Дене шынықтыру және спорт басқармасына сілтеме жасап хабарлайды.
Дене шынықтыру және спорт басқармасының Instagram-дағы мәліметіне сүйенсек, турнир Қазақстанның еңбек сіңірген жаттықтырушысы, педагогика ғылымдарының докторы, профессор Оңалбек Жарылқасын Керімбекұлының жүлдесіне арналған.
Аталған дода Жеңіл атлетика спорт кешенінде өтеді. Бұл турнирге Қазақстанның және шетелдің үздік палуандары қатысады.
Осыған орай Шымкент қалалық денсаулық сақтау және спорт басқармасының өкілдері қазақ күресінің дамуын қолдап, шебер спортшылардың өнерін тамашалауға шақырды.
Мақаланың түпнұсқасы: https://kaz.nur.kz/sport/fight/2190390-shymkentte-qazaq-kuresinen-eresekter-arasyndagy-iii-halyqaralyq-turnir-otedi/
