Қазақ балуаны Албаниядағы рейтингтік турнирде қола медаль жеңіп алды

Қазақстан құрамасы еркін күрестен Албанияның Тирана қаласында өтіп жатқан рейтингтік турнирде қола жүлдеге ие болды, деп хабарлайды Olympic.kz сайтына сілтеме жасаған KAZ.NUR.KZ.

Басылымның жазуынша, 86 келіге дейінгі салмақта Болат Сақаев қола жүлдегер атанған.

Ол жартылай финалға дейін жетіп, бұл кезеңде Грекия спортшысы Георгиос Куюмцидиске есе жіберген.

Қола жүлде үшін өткен белдесуде Болат Сақаев түрікменстандық Алп Арслан Бегенджовтан басым түскен.

Айта кетелік, Албаниядағы рейтингтік турнир 25 ақпанда басталды. Жарыс 1 наурызға дейін жалғасады. Қазақстан бұл додада күрестің барлық түрінен сынға түседі.

Бұған дейін Olympic.kz сайты турнирге қатысатын қазақ балуандардың тізімін жариялаған еді.

Мәтіннен қате тапсаңыз, бізге жазыңыз