Қазақстандық атақты екі балуан допингке байланысты екі жылға жарыстардан шеттетілді

Қазақстандық балуандар Нұрсұлтан Садық пен Сабина Торей антидопинг ережелерін бұзғаны үшін жарыстардан екі жылға шеттетілді, деп хабарлайды KAZ.NUR.KZ.

Ұлттық антидопинг орталығының ресми тізіліміндегі деректерге сәйкес, еркін күрес балуаны Нұрсұлтан Садық пен әйелдер күресінің өкілі Сабина Төрейдің допинг қолданғаны әшкереленді.

Садық пен Төрейдің есімдері антидопинг ережелерін бұзуға байланысты жарыстардан шеттетілгендер тізімінде пайда болды.

Нұрсұлтан Садықтың допинг-сынамасынан кломифен іздері анықталғаны хабарланды. Балуан жарыстарға қатысудан 2026 жылдың 22 қаңтарынан 2028 жылдың 21 қаңтарына дейін екі жыл мерзімге шеттетілді.

Сабина Төрейдің сынамасынан тыйым салынған сибутрамин заты табылды. Оны 2026 жылдың 4 тамызынан 2028 жылдың 3 тамызына дейін жарыстардан шеттетті.

Sports.kz мәліметінше, Нұрсұлтан Садық 65 килограммға дейінгі салмақ дәрежесінде өнер көрсеткен. Ол Қазақстан кубогының жеңімпазы (2024 жыл, Тараз) және республикалық біріншіліктердің бірнеше мәрте жүлдегері.

Сабина Төрей әйелдер күресінде жастар деңгейінде өнер көрсетіп, Қазақстанның ересектер арасындағы кубогында (2025 жыл) қола медаль, 23 жасқа дейінгі спортшылар арасындағы ҚР чемпионатының күміс медалін (2026 жыл, Тараз) жеңіп алды, сондай-ақ Түркияда өткен CHAMPIONS жастар халықаралық турнирінің жүлдегері атанды.

Мәтіннен қате тапсаңыз, бізге жазыңыз