Роналду "Әл-Насрға" ауысқан соң клубтың Instagram парақшасына 3,5 млн адам қосылған

Әлем футболының жарық жұлдыздарының бірі Криштиану Роналду Сауда Арабиясында өнер көрсететін клубқа ауысқан соң "Әл-Насрдың" Instagram парақшасына көптеген жанкүйер тіркеліп жатыр, деп хабарлайды KAZ.NUR.KZ тілшісі.

Бүгін Криштиану Роналду "Әл-Наср" ойыншысы атанды.

Португалиялық сұрмерген ауысқанға дейін клубтың Instagram желісінде 860 мыңдай оқырман болатын. Қазіргі уақытта оның саны 4 миллион 300 мыңға жетті. Яғни бір күннің ішінде "Әл-Наср" клубының Instagram желісіндегі парақшасына 3,5 миллиондай жанкүйер қосылып отыр.

Еске сала кетейік, бұған дейін футболшының 2025 жылға дейін келісімшарт жасасқаны белгілі болған. Оның жылдық базалық табысы - 75 миллион доллар.

Ал коммерциялық төлемдер мен амбассадор рөліндегі кірістерді қоса есептегенде ол 200 миллион доллар жалақы алмақ.