"Ренн" мен "ПСЖ" арасындағы матчта күтпеген нәтиже тіркелді

Түнде футболдан Франция біріншілігінің он тоғызыншы турының бірнеше матчты өтті, деп хабарлайды KAZ.NUR.KZ тілшісі.

Ренн қаласындағы "Роазон Парк" стадионында өткен матчта жергілікті ұжым париждік "ПСЖ" клубын қабылдады.

Тартысты өткен ойында алаң иелері жеңіске жетті. Есеп 1:0. Кездесудегі жалғыз голды алпыс бесінші минутта "Ренн" қорғаушысы Амари Траоре соқты.

Осылайша, "ПСЖ" соңғы үш матчта екінші рет қарсыластарына есе жіберіп отыр.

Сонымен қатар түнде "Монако" өз алаңында "Аяччо" клубын қабылдап, 7:1 есебімен ұтты. Гол авторлары: Дисаси, Диатта, Бен-Йеддер (хэт-трик), Эмболо (дубль) - Белаили.