Қазақстанның екінші, әлемнің 144-ракетасы Тимофей Скатов Чилидің Консепсьон қаласында өтіп жатқан ATP Challenger Tour турнирінің жартылай финалына шықты, деп хабарлайды ҚазАқпарат.
Қазақстандық теннисші ширек финалда турнирдің 2-ракеткасы, чилилік Алехандро Табиломен кездесті.
Тартысты өткен матчта Тимофей Скатов 6:4, 3:6, 7:5 есебімен жеңіске жетті.
Екі сағат 29 минутқа созылған бәсеке барысында ол 5 эйс жасап, 10 брейк-пойнттың алтауын пайдаланды. Қарсыласы 5 эйс, 5 брейкпен (6 брейк-пойнт) көзге түсті.
Енді Петропавл қаласының түлегі финалға шығу үшін әлемнің 203-ракеткасы, аргентиналық Факундо Диас Акостамен кездеседі.
Мақаланың түпнұсқасы: https://kaz.nur.kz/sport/football/2007140-timofei-skatov-cilidegi-zarystyn-zartylai-finalyna-syqty/
