Әлем футболының жұлдыздарының бірі Криштиану Роналду Португалия сапындағы соңғы екі ойынға баға берді, деп жазады KAZ.NUR.KZ тілшісі.
Бұл туралы португалиядық сұрмерген Twitter әлеуметтік желісіндегі парақшасында жазды.
"2 ойын, 2 Жеңіс! Мақсатқа қол жеткіздік. Іріктеу кезеңінің сәтті басталуына үлес қосқанымa қуаныштымын. Алға", - деді Криштиану Роналду.
Айта кетейік, Еуро-2024 іріктеу кезеңінің алғашқы турында Португалия құрамасы Лихтенштейнді (4:0), кеше, 26 наурызда Люксембургті ұтты (6:0).
Екі матчта Криштиану Роналду төрт гол соғып, жаңа рекорд орнатты.
Португалиялық сұрмерген ұлттық құрама сапында 122 гол соққан алғашқы футболшы атанып отыр.
Мақаланың түпнұсқасы: https://kaz.nur.kz/sport/football/2014183-eki-matcta-tort-gol-sogyp-rekord-ornatqan-ronaldu-malimdeme-zasady-foto/
