"Екеуі өз қақпасына": "Манчестер Юнайтед" "Севильяға" қарсы матчта төрт гол соқты (фото)

Түнде Еуропа лигасының ширек финалының алғашқы матчтары өтті, деп хабарлайды KAZ.NUR.KZ тілшісі.

"Манчестер Юнайтед" өз алаңында "Севильяны" қабылдап, 2:2 есебімен тең түсті. Гол авторлары: Марсель Забитцер (дубль) - Тирелл Маласиа (өз қақпасына), Харри Магуайр (өз қақпасына).

Ал Жозе Моуринью жаттықтыратын "Рома" сырт алаңда нидерландтық "Фейенорд" клубына есе жіберді. Матчтағы жалғыз допты Матс Виффер соқты.

Германияда "Байер" мен бельгиялық "Юнион" арасындағы кездесу тең нәтижемен аяқталса (1-1), "Ювентус" тартысты өткен ойында "Спортингтен" айласын асырды (1-0).

Туриндік ұжым сапынан Федерико Гатти мергендігімен көзге түсті.

Мәтіннен қате тапсаңыз, бізге жазыңыз