40 жастағы Пепе "Портумен" жаңа келісімшартқа отырды

Португалия құрамасының қорғаушысы Пепе "Порту" футбол клубымен жаңа келісімшартқа отырды, деп хабарлайды KAZ.NUR.KZ тілшісі.

Бұл ақпаратты "Порту" футбол клубының баспасөз қызметі Instagram желісіндегі парақшасында растады.

Хабарламада 40 жастағы қорғаушы мен португалиялық ұжымның келесі маусымның соңына дейін келісімшартқа отырғаны айтылған.

Айта кетейік, Пепе бұған дейін "Реал Мадрид", "Бешикташ" секілді клубтарда доп тепкен. Сонымен қатар қорғаушы Португалия құрамасының екінші капитаны.