Қатарынан екі ойында ұтылған Роналду командаластарына айғайлап тастады

Кришитану Роналдудың командасы соңғы үш матчтың екеуінде жеңіліске ұшырады. Бұл әйгілі ойыншының ашуын келтірген, деп хабарлайды Sports.ru сайтына сілтеме жасаған KAZ.NUR.KZ.

Роналду намысын қорғайтын "Әл-Наср" клубы Сауд Арабиясы кубогінің жартылай финалында "Әл-Вахде" командасына 0:1 есебімен жол берді.

Бұған дейін "Әл-Хилалдан" 0:2 есебімен ұтылып, "Әл-Фейхпен" тең түскен болатын.

Криштиану аталған матчтарда мүлде көзге түскен жоқ.

"Әл-Вахдемен" өткен ойынның 81-минутында Криштианудың есепті теңестіретін мүмкіндігі болған. Алайда ол мүлт кетті.

Үзіліс кезінде ол қосалқы құрамда отырған командаластарына басын шайқап, айғайлап жібергені де камера назарына іліккен.

38 жастағы португалдық ойыншы жаңа команда сапында 11 гол соқты.