"Манчестер Сити" мен "Арсенал" арасындағы ойында бес гол соғылды (видео)

Түнде футболдан Англия біріншілігінің 33-турының ойындары өтті, деп хабарлайды KAZ.NUR.KZ тілшісі.

"Манчестер Сити" өз алаңында көш басында келе жатқан "Арсенал" клубын қабылдады. Тартысты өткен ойында Пеп Гвардиоланың шәкірттері 4:1 есебімен жеңіске жетті. Гол авторлары: Кевин де Брюйне (дубль), Джон Стоунз, Эрлинг Холанд - Роб Холдинг.

Осылайша, лондондық клуб Англия чемпионатындағы басты қарсыласына есе жіберіп, маңызды үш ұпайдан айырылды.

Айта кетейік, 33-турдан кейін "Арсенал" 75 ұпаймен турнирлік кестеде бірінші орында тұр. Ал екі матч кем өткізген "Манчестер Сити" 73 ұпаймен екінші сатыға жайғасқан.