"Алтын доп" иегері Карим Бензема Сауд Арабиясында өнер көрсететін "Әл-Иттихад" клубының ойыншысы атанды.
Бұл ақпаратты "Әл-Иттихад" клубы Twitter желісіндегі парақшасында растады.
"Қош келдің, Карим Бензема", - делінген хабарламада.
Сауд Арабиясында өнер көрсететін клуб франциялық сұрмергенмен 2026 жылға дейін келісімшартқа отырды.
Сонымен қатар шабуылшы да желідегі парақшасында клубтың жанкүйерлеріне үндеу жасады.
"Джиддада сіздермен кездесуде асыға күтемін", - деді Бензема.
Айта кетейік, Карим Бензема "Реал Мадрид" сапында 2009 жылдан бері өнер көрсетті. Ол карольдік ұжым сапында 648 матч өткізіп, 354 гол соққан және әріптестеріне 165 нәтижелі пас берген.
Карим Бензема "Реал Мадрид" сапында 25 жүлде ұтты. Оның ішінде Чемпиондар лигасының бес кубогы бар. Сонымен қатар шабуылшы "Алтын допты" жеңіп алды.
Мақаланың түпнұсқасы: https://kaz.nur.kz/sport/football/2023714-benzema-al-ittixad-klubynyn-oiynsysy-atandy/
