"Өзімізде де жігіттер бар": Қонысбаев ресейлік ойыншының Қазақстан азаматтығын алғанына шүйлікті

Бүгін ресейлік ойыншы Александр Зуевтің ресми түрде Қазақстан азаматтығын алғаны белгілі болды. Осыған орай, ұлттық құраманың бұрынғы ойыншысы Ұлан Қонысбаев өз пікірін айтты, деп жазады Meta-Ratings.kz сайтына сілтеме жасаған KAZ.NUR.KZ.

"Егер Зуев құрамаға өз пайдасын тигізсе жақсы болар еді. Бірақ меніңше, біздің өзімізде де талантты жігіттер бар. Соларға сенім артып, мүмкіндік беру керек. Ұлттық құрамаға еліміз, жеріміз бен туымыз үшін ойнайтын рухты жігіттерді шақыру керек", - деді Қонысбаев.

Айта кетелік, Қазақстан азаматтығын алған Александр Зуевтің футболдағы мансабы түгелдей Ресейде өткен.

Алайда ойыншы Қостанай қаласының тумасы саналады. Ол 2003-2005 жылдар аралығында "Тобыл" балалар командасында ойнаған.

Мәтіннен қате тапсаңыз, бізге жазыңыз