Аргентина құрамасының жартылай қорғаушысы Алексис Макаллистер "Ливерпуль" ойыншысы атанды. Бұл ақпаратты "Ливерпуль" клубының баспасөз қызметі Instagram желісіндегі парақшасында расттады.
Журналист Фабрицио Романо ұсынған ақпаратқа сәйкес, "Ливерпуль" клубы жартылай қорғаушыны "Брайтоннан" 40,7 миллион еуроға сатып алған.
Әзірге аргентиналық қорғаушы мен ағылшындық ұжымның қанша жылға келісімшартқа отырғаны белгісіз.
Айта кетейік, Алексис Макаллистер "Брайтон" сапында 112 ойынға қатысып, жиырма гол соққан және тоғыз рет нәтижелі пасымен көзге түскен.
Жартылай қорғаушы өткен жылы Катарда өткен әлем чемпионатында Аргентина құрамасымен бірге турнирдің жеңімпазы атанды.
Мақаланың түпнұсқасы: https://kaz.nur.kz/sport/football/2024003-argentina-sapynda-alem-cempiony-atangan-zartylai-qorgausy-liverpul-oiynsysy-atandy-foto/
