Бүгін түнде футболдан Қазақстан құрамасы Euro-2024 турниріне іріктеу аясында Сан-Мариномен кездеседі. Ойын қарсаңында құрама үздігі Бахтиер Зайнутдинов жарақат алды, деп жазады Meta-Ratings.kz сайтына сілтеме жасаған KAZ.NUR.KZ.
Қазақстан командасының жартылай қорғаушысы Зайнутдиновтің денсаулығында ақау барын бас бапкер Магомед Адиев мәлімдеді.
"Мен денсаулығында кінәрат бар екі футболшыны атаған едім. Соның бірі - Зайнутдинов. Баха өз құрамасының патриоты. Біз қазіргі жағдайды жақсы бағамдауымыз қажет. Құраманың екі матчына да көмегі тиетіндей шешім болуы тиіс", - деді Адиев.
Айта кетелік, Қазақстан ұлттық құрамасы Euro-2024 іріктеу турнирі аясында екі матч өткізді.
Бірінші ойында 1:2 есебімен Словенияға жол берсе, екінші матчта 3:2 есебімен Даниядан басым түсті.
Мақаланың түпнұсқасы: https://kaz.nur.kz/sport/football/2025077-baxtier-zainutdinov-san-marinomen-oiyn-qarsanynda-zaraqat-alyp-qaldy/
