Футболдан Қазақстан құрамасы 2024 жылғы Еуропа чемпионатына іріктеу аясында Солтүстік Ирландияны ұтты. Осыдан соң, 9 ұпаймен топтағы екінші орынды сақтап қалды, деп хабарлайды KAZ.NUR.KZ.
Түнде Белфастта өткен сырт алаңдағы матчта Магомед Адиев шәкірттері жеңіске жеткен болатын.
Ойынның 88 -минутында Абат Айымбетов гол соғып, Қазақстан құрамасына жеңіс сыйлады.
Қазір Қазақстан командасы 9 ұпаймен Н тобында екінші орында тұр. Төрт тур қорытындысы бойынша 9 ұпай жинаған Финляндия құрамасы қосымша көрсеткіштер бойынша бірінші сатыда орналасқан.
Үшінші орынға 7 ұпаймен Дания құрамасы жайғасты.
Айта кетелік, бұл футболдан Қазақстан командасы көрсеткен тарихи нәтиже. Бұған дейін Еуропа чемпионаттарына іріктеу турнирі аясында біздің құрама екінші орынға көтерілмеген.
Мақаланың түпнұсқасы: https://kaz.nur.kz/sport/football/2025560-evro-2024-qazaqstan-komandasy-tungys-ret-irikteu-synynda-9-upai-aldy/
