"Ақтөбе" Конференция лигасының келесі кезеңіне жолдама алды. Бұл туралы KAZ.NUR.KZ тілшісі хабарлайды.
Конференция лигасының екінші айналымында "Ақтөбе" Грузияның "Торпедо Кутаиси" клубымен шеберлік байқасты.
Қос ұжым арасындағы алғашқы матч Грузияда өтіп, алаң иелері 1:4 есебімен қарсыласына есе жіберген еді.
Ақтөбе қаласындағы өткен қарымта ойында Қазақстан құрамасының шабуылшысы Максим Самородов есеп ашса, "қонақтар" сапынан Георгий Арабидзе мен Ираклий Бугридзе мергендігімен көзге түсті.
Кездесу 1:2 есебімен "Торпедо Кутаиси" пайдасына аяқталды.
Қос ойынның нәтижесінде "Ақтөбе" келесі кезеңге жолдама алып, Конференция лигасының үшінші айналымына шығып отыр.
Мақаланың түпнұсқасы: https://kaz.nur.kz/sport/football/2031198-aqtobe-oz-alanynda-utylsa-da-konferenciya-ligasynyn-kelesi-kezenine-syqty/
