"Цюрихке барамыз деген ойдамыз": Тағыберген ФИФА жүлдесіне үміткер болуына қатысты пікір білдірді
Опубликовано:
Футболдан Қазақстан құрамасының капитаны Асхат Тағыберген өзінің Пушкаш жүлдесіне үміткер болуына қатысты ойын айтты, деп хабарлайды KAZ.NUR.KZ Қазақстан футбол федерациясының ресми Instagram парақшасына сілтеме жасап.
Тағыберген ФИФА жүлдесіне үміткер екенін естігеннен кейін қандай сезімде болғанын жеткізді. Футболшы жеңіске жетуге ниетті екенін де айтып қалды.
"Өте қуаныштымын. Мұндай жүлдеге қазақстандық футболшы бірінші рет ілініп жатыр. Қуанышымда шек жоқ. Қолдау білдіріп жатқан барша халыққа, жанкүйерлеріме көп рахмет. Ыстық лебіздерін, бәрін естіп жатырмыз. Енді Цюрихке барып келсек те әдемі болатын еді. Басқаларды көрдім. Менен де әдемі гол соққандар бар. Көреміз енді. Қазақстан болып бәріміз дауыс берсек, барамыз деген ойдамыз", - деді Тағыберген.
Бұған дейін Қазақстан құрамасының капитаны Асхат Тағыбергеннің Данияға қарсы ойында соққан голы үшін Пушкаш жүлдесін алуы мүмкін екенін хабарлаған едік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2040221-cyurixke-baramyz-degen-oidamyz-tagybergen-fifa-zuldesine-umitker-boluyna-pikir-bildirdi/