Футболдан Қазақстан құрамасы ЕВРО-2024 іріктеу кезеңі аясында сырт алаңда Финляндия командасымен кездесті. Тартысты матчта отандастарымыз тарихи жеңіске жетті, деп хабарлайды KAZ.NUR.KZ.
Хельсинки қаласында өткен матчта Қазақстан құрамасы камбэк жасап, қарсыласын сырт алаңда жеңіп кетті. Ойын 1:2 есебімен отандастарымыздың жеңісімен аяқталды.
Алаң қожайындары 28-минутта есеп ашты. Финляндия сапынан Роберт Тэйлордың соққысы Игорь Шацкийдің қақпасына дәл тиген.
Алайда кездесудің 77-минутында Бахтиер Зайнутдинов пенальтиді сәтті орындап, есеп теңестірді.
Кейін ойынның 89-минутында Зайнутдинов дубль жасады. Ол бұрыштамадан келген пасты қақпаға дәл тигізіп, ұлттық құраманы алға шығарды.
Айта кетейік, Қазақстан құрамасы Еуропа чемпионаты іріктеу турнирінде алғаш рет 15 ұпай иеленіп отыр.
Мақаланың түпнұсқасы: https://kaz.nur.kz/sport/football/2041429-euro-2024-ke-irikteu-qazaqstan-quramasy-kambek-zasap-syrt-alanda-finlyandiyany-zenip-ketti/
