"Қайрат" футбол командасы өз алаңында "Зенитті" жеңді

"Қайрат" U-17 командасы Алматыда өткен турнирдің финалында ресейлік "Зенит" U-17 ұжымын жеңді. Бұл туралы KAZ.NUR.KZ "Қайрат" командасының Instagram-дағы ресми парақшасына сілтеме жасап хабарлайды.

Алматы қаласында 6-10 қараша аралығында Сейілда Байшақовты еске алуға арналған халықаралық жасөспірімдер турнирі мәресіне жетті. Жарысқа "Қайрат" U-17 (Қазақстан), "Зенит" U-17 (Ресей), "Пахтакор" U-17 (Өзбекстан) және "Насаф" U-17 (Өзбекстан) ұжымдары қатысты.

Турнирдің финалында алматылық "Қайрат" U-17 мен ресейлік "Зенит" U-17 ұжымдары кездесті. Ойынның негізгі уақыты 1:1 есебімен аяқталды. Матч соңындағы пенальти сериясында "Қайрат" командасының жасөспірімдері 4:3 есебімен жеңіске жетті.

Айта кетейік, Сейілда Байшақов - ҚР ардагерлер футболы одағының президенті, КСРО спорт шебері және ҚР Еңбек сіңірген жаттықтырушысы болған.

Мәтіннен қате тапсаңыз, бізге жазыңыз