Вальтер Мадзарри италиялық "Наполи" футбол клубының бас бапкері атанды, деп хабарлайды KAZ.NUR.KZ "Наполи" футбол клубының Instagram-дағы ресми парақшасына сілтеме жасап.
Италиялық маман Вальтер Мадзарри "Наполи" клубының бас бапкері қызметіне келді. Бұл Вальтер үшін таныс клуб. Себебі 2009-2013 жылғы маусым аралығында дәл осы "Наполиде" жұмыс істеген. Тіпті 2011/12 жылғы маусымда "Наполи" бапкері ретінде Италия Кубогын жеңіп алған.
Мадзарри өзі де футболшы болған. Кәсіби ойыншы мансабын "Фиорентино" командасында бастаған. Сөйтіп "Фиорентино", "Эмполи" сияқты клубтарда доп тепкен. Ал бапкерлік мансабын 1996 жылы "Болонья" футбол клубының бас бапкерінің көмекшісі ретінде бастаған.
Айта кетейік, "Наполи" футбол клубы дәл қазір Италия чемпионатында 12 матчта 21 ұпай жинап, 4-орында келе жатыр. "Наполидің" келесі ойыны 25 қарашада "Аталанта" ұжымына қарсы болады.
Мақаланың түпнұсқасы: https://kaz.nur.kz/sport/football/2045859-napoli-futbol-klubyn-62-zastagy-bapker-basqardy/
