Ресми: Футболдан Қазақстан Премьер-лигасының осы маусымдағы үздік ойыншысы анықталды

Қазақстан Премьер-лигасының 2023/24 жылғы маусымдағы үздік футболшысы мен бапкері белгілі болды, деп хабарлайды KAZ.NUR.KZ тілшісі.

Transfermarkt порталы Қазақстан Премьер-лигасының осы маусымдағы үздік ойыншысы мен бапкерін атады. Басылымның нәтижесі бойынша ҚПЛ-дың осы маусымдағы үздік футболшысы "Ордабасының" жартылай қорғаушысы Асхат Тағыберген атанды.

Ал Қазақстан Премьер-лигасының үздік бас бапкері шымкенттік "Ордабасы" клубының бапкері Александр Седнев атанды. Белоруссиялық маман Шымкент қаласына ҚПЛ-дың алғашқы алтын медалін алып келді.

Transfermarkt порталы ҚПЛ-дың осы маусымдағы үздік 11 футболшысынан жасақталған құрам жариялады:

Қақпашы:

• Стас Покатилов (Ақтөбе ФК).

Қорғаушылар:

• Әлібек Қасым, Лука Гадрани (екеуі де Ақтөбе ФК);
• Сергей Малый (Ордабасы ФК).

Жартылай қорғаушылар:

• Исламбек Қуат (Астана ФК);
• Асхат Тағыберген (Ордабасы ФК);
• Дмитрий Бородин (Қайсар ФК);
• Максим Самородов (Ақтөбе ФК);
• Ислам Чесноков (Тобол ФК).

Шабуылшылар:

• Жоао Пауло (Қайрат ФК);
• Марин Томасов (Астана ФК).

Айта кетейік, Қазақстан Премьер-лигасының 2023 жылғы чемпиондары – шымкенттік "Ордабасы" футбол клубы.