Сан-Марино құрамасына қарсы ойынды бастайтын футболшылардың тізімі жарияланды

Еуро-2024 турниріне іріктеу кезеңіндегі Сан-Марино құрамасына қарсы ойында Қазақстан ұлттық құрамасының капитаны Абзал Бейсебеков болады, деп хабарлайды Қазақстан футбол федерациясы Instagram-дағы ресми парақшасында.

"Астана Аренада" өтетін іріктеу матчы жұма күні Астана уақытымен 21:00-де басталады. Жартылай қорғаушы Александр Зуев Қазақстан ұлттық құрамасы сапындағы алғашқы ойынын өткізбек. Сергей Малый наурыз айындағы Данияға қарсы жеңісті ойыннан (3:2) кейін алғаш рет негізгі құрамда өнер көрсетеді.

Қазақстан құрамасының толық бастапқы құрамы мынадай:

Қақпашы: Игорь Шацкий (№12);

Қорғаушылар: Марат Быстров (№4), Александр Марочкин (№22), Сергей Малый (№2), (№18) Тимур Досмағамбетов, Бағдат Қайыров (№13);

Жартылай қорғаушылар: Рамазан Оразов (№20), Александр Зуев (№19), Абзал Бейсебеков (№21), Ислам Чесноков (№9);

Шабуылшы: Абат Айымбетов (№17).

Естеріңізге сала кетейік, Қазақстан құрамасы 2024 жылғы Еуропа чемпионатына тікелей жолдама үшін күресті жалғастыруда. Құрамаға мүмкіндікті сақтап қалу үшін қалған іріктеу матчтарында Сан-Марино мен Словенияны жеңу қажет.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз