УЕФА Қазақстан – Дания матчын (3:2) Еуро-2024-ке іріктеу турниріндегі ең үздік ойындардың қатарына қосты. Бұл туралы KAZ.NUR.KZ УЕФА-ның ресми сайтына сілтеме жасап хабарлайды.
УЕФА сегіз айға созылған іріктеу кезеңі аясында өткен мачтардың ішінен үздік 9 ойынды жариялады. Тізімде Қазақстан мен Дания арасында өткен матч бар.
ТОП-9 матч:
- Италия – Англия – 1:2;
- Франция – Нидерланды – 4:0;
- Казахстан – Дания – 3:2;
- Шотландия – Испания – 2:0;
- Уэльс – Армения – 2-4;
- Молдова – Польша – 3:2;
- Португалия – Словакия – 3:2;
- Болгария – Венгрия – 2:2;
- Украина – Италия – 0:0.
Жанкүйерлер Қазақстан құрамасына мына сілтемеге өтіп дауыс бере алады.
Матч 26 наурыз Астана Аренада өтті. Даниялық футболшы Хойлунд ойынның 21-минутында есеп ашып, 36-минутта дубль жасады. Екінші таймда ғана ұлттық құрама ойыншылары ширақ қимылдап, 73-минутта Бахтиер Зайнутдинов қарсылас қақпасына алғашқы голды салды. Асхат Тағыберген 86-минутта гол соғып, есеп теңестірді. Матч аяқталар тұста Абат Айымбетовтің соққан голы Қазақстан құрамасын алға шығарды. Осылайша ойын 3:2 есебімен аяқталды.
Еске салайық, 2024 жылғы Еуропа чемпионатына іріктеу турнирі мәресіне жетті. Қазақстан ұлттық құрамасы іріктеу ойындарының соңғы турында Словенияға 2:1 есебімен есе жіберіп, жарыс жолын аяқтаған еді. Алайда қазақстандық футболшылар наурыз айында Ұлттар лигасының плей-офф ойындарына қатысып, қалған үш жолдаманың біріне таласады.
Мақаланың түпнұсқасы: https://kaz.nur.kz/sport/football/2048649-qazaqstan-daniya-matcy-euro-2024-ke-irikteu-turnirindegi-en-uzdik-oiyndar-qataryna-endi/
