Гамбург қаласында 2024 жылғы футболдан Еуропа чемпионатының топтық кезеңінің жеребе тарту рәсімі өтті. Бұл туралы KAZ.NUR.KZ хабарлайды.
Еуропа чемпионаты 2024 жылғы 14 маусым мен 14 шілде аралығында Германияда өтеді. Еуропа біріншілігі 14 маусымда Германия мен Шотландия кездесуімен ашылады.
- А тобы: Шотландия, Швейцария, Германия, Венгрия;
- В тобы: Хорватия, Италия, Испания, Албания;
- С тобы: Англия, Дания, Словения, Сербия;
- D тобы: Франция, Австрия, Нидерланд, A плей-офф іріктеуінің жеңімпазы;
- Е тобы: Бельгия, Румыния, Слования, В плей-офф іріктеуінің жеңімпазы;
- F тобы: Португалия, Түркия, Чехия, С плей-офф іріктеуінің жеңімпазы.
Қазақстан құрамасы Еуро-2024 чемпионатына шыққан жағдайда F тобында Португалия, Түркия және Чехия құрамаларымен кездеседі.
Еуропа чемпионатына жолдама алу үшін қазақстандық футболшылар Ұлттар лигасында алдымен Грекияны, содан соң Грузия – Люксембург жұбының жеңімпазын ұтуы керек.
Ұлттар лигасының плей-офф матчтары 2024 жылғы 21-26 наурыз аралығында өтеді.
Мақаланың түпнұсқасы: https://kaz.nur.kz/sport/football/2048980-qazaqstan-ulttyq-quramasy-euro-2024-ke-syqsa-portugaliyamen-oinaidy/
